धनगढी: बैतडीमा विद्यार्थी बोकेको भ्यान दुर्घटना भएको छ।जिल्लाको पाटन नगरपालिकाको वडा नम्बर ८ मा रहेको ज्ञानज्योती बोर्डिङ स्कुलको से१च ८३४ नम्बरको भ्यान दुर्घटना भएको प्रहरीले बताएको छ।
प्रहरीका अनुसार भ्यानमा ९ जना रहेका र तीमध्ये दुई जना विद्यार्थी घाइते भएका छन्। घाइतेहरुलाई उपचारका लागि डडेल्धुरा पठाईएकोमा उनीहरु दुवै जना उपचारपछि घर फर्किसकेका प्रहरीले बताएको छ।
स्कुलबाट बिद्यार्थीहरुलाई घर छोड्न लगिरहेको भ्यान अनियन्त्रित भएर सोही वडाको रुईसानी मोड नजिक पल्टिएको ईलाका प्रहरी कार्यालय पाटनले जनाएको छ।
भ्यान आइतबार दिउँसो ४ बजे तिरको समयमा दुर्घटना भएको प्रहरीले बताएको छ।
