डडेल्धुरा:भीमदत्त राजमार्गअन्तर्गत डडेलधुराको आलिताल गाउँपालिका–१ मेलखर्कमा बुधवार राति अटो दुर्घटना हुँदा डोटीको शिखर नगरपालिका पदम बलायर र केशव महराको मृत्यु भएको छ।
दुर्घटनामा घाइते भएका वीरबहादुर कुँवरलाई उपचारका लागि डडेल्धुरा अस्पताल ल्याइएको छ।
कैलालीको अत्तरियाबाट डोटीतर्फ गइरहेको अटो रिक्सा गएराति करिब ९ बजेतिर दुर्घटना भएको हो।
अटोमा तीन जना मात्रै सवार रहेका थिए। दुर्घटनाको कारण भने खुलेको छैन।
