निराकरण सम्वाददाता अछाम: अछाममा बिना लाईसेन्सका ब्याक्तीले डोजर चलाउदा दुर्घटना डोजर चालकको ज्यान गएको छ।
जिल्लाको बान्निगढी जयगढ गाउँपालिका वडा नम्बर ६ दर्नामा से १ क २०३१ नम्बरको डोजर दुर्घटनामा परि चालक डोटीको शिखर नगरपालिकाका करिब १९ बर्षका किरण बोगटीको ज्यान गएको हो ।
ऐश्वर्य माध्यामिक विद्यालयबाट सडक मर्मत गर्दै चण्डाली जाने क्रममा भिर भन्ने स्थान बाट करिव १ सय ५० मिटर तल खोलामा खसेर चालक बोगटीको घटना स्थलमै ज्यान गएको वडा अध्यक्ष कृष्ण बहादुर कडायतले जानकारी दिए।
डोजर चालक हुनलाई सामान्यतया २१ बर्ष पुगेको हुनुपर्ने नियम रहेको छ।
केही दिन पहिले मात्र सोही भिरबाट विद्यालय जाने क्रममा चण्डाली निवासी ७ बर्षिया बालिकाको समेत लडेर ज्यान गएको थियो
