काठमाडौं:सरकारले क्यूआर कोडसहितको कोरोना खोप प्रमाणीकरण कार्ड प्रयोगमा ल्याउने भएको छ । कतिपय मुलुकमा कागजी प्रमाणीकरणलाई मान्यता नदिएकाले सरकारले कोडसहितको खोप प्रमाणीकरण कार्ड ल्याउन लागेको हो ।
कोभिड–१९ संकट व्यवस्थापन केन्द्र (सीसीएमसी) निर्देशक समितिको शुक्रबार बसेको बैठकमा प्रधानमन्त्री देउवाले यस्तो कार्ड प्रयोगमा ल्याउन निर्देशन दिएपछि याे प्रणाली प्रारम्भ गर्ने तयारी भएकाे हाे ।
साे बैठकमा बाेल्दै सहसचिव तथा सीसीएमसी प्रवक्ता नूरहरि खतिवडाले केही दिनबाट नै खोप प्रमाणीकरण कार्डमा क्यूआर कोड प्रयोगमा ल्याइने जानकारी दिए ।
हाल विदेश जाने श्रमिकले टेकुसहितका चार अस्पतालबाट कोरोनाको खोप प्रमाणीकरण कार्ड लिइरहेका छन् ।
