अछाम : अछाम -२ बाट प्रतिनिधि सभा सदस्यमा नेकपा एमालेका यज्ञबहादुर बोगटी विजयी भएका छन्। बोगटीले ९ हजार ५१८ मतले विजयी भएका हुन्।
उनका निकटतम प्रतिद्वन्द्वी नेपाली कांग्रेसका जिल्ला सभापति पुष्पबहादुर शाह ९ हजार ४६ मतसहित पराजित भएका छन्। नेकपाका बलबहादुर कुँवर ६ हजार ४९३ मतसहित तेस्रो र रास्वपाका भुपदेव शाह ४ हजार ५६२ चौथो भएका छन्। २०७९ मा शाहसँग बोगटी पराजित भएका थिए भने २०७४ मा बोगटीसँग शाह पराजित भएका थिए। बोगटीले यो पटक हारको बदला लिएका छन्।
