निराकरण खबर अछाम :नेपाल पत्रकार महासंघ अछाम शाखामा तालाबन्दी गरिएको छ । सोमबार नेपाल पत्रकार महासंघ अछाम शाखाको कार्यालय मंगलसेनमा तालाबन्दी गरिएको हो । नेपाल प्रेस युनियन लगायतका जिल्ला स्थित सक्रिय पत्रकारका संघ ÷ सङ्गठनको सहमतिमा नेपाल पत्रकार महासंघ अछाम शाखामा एक सय १ जना हटाउने , ६५ जना सक्रिय पत्रकारको सदस्यता नवीकरण गर्ने र २३ जना सक्रिय पत्रकारलाई नयाँ सदस्यको लागि सिफारिस गर्ने सर्वसम्मत निर्णय भएको तर पत्रकार महासंघ केन्द्रले मनलाग्दी सदस्यता खारेज गरेको भन्दै तालाबन्दी गरिएको प्रेस युनियन अछामका अध्यक्ष जनकराज भण्डारीले बताए ।
नेपाल पत्रकार महासंघ केन्द्रले जिल्लाका सक्रिय पत्रकार खास गरी नेपाल प्रेस युनियन संग आवद्ध पत्रकारहरुको नाम हटाइएर अछाम शाखाका सदस्यको सुची सार्वजनिक गरेको जिल्लामा नाम चलेका पत्रकार नेपाल प्रेस युनियन निकट पत्रकारितामा सक्रिय पत्रकार लाई छानिछानी हटाइएको युनियनमा आवद्ध रहेका पत्रकार लाई हटाइएर जिल्लाको निर्णय लाई लत्त्याउँदै सदस्य सुची सार्वजनिक गर्ने नेपाल पत्रकार महासंघ केन्द्रको निर्णय प्रति खेद व्यक्त गरेको छ ।
पत्रकार महासंघ जिल्ला शाखाको निर्णय अनुसारको नवीकरण र नयाँ सदस्यको सुची ढिला नगरी अविलम्ब सार्वजनिक गर्न अछाम जिल्लामा सक्रिय पत्रकारहरुका सबै सङ्गठनको सहमति अनुसार सर्वसम्मत रूपमा जिल्ला शाखाले पठाएको नवीकरण ÷ नयाँ सदस्यको नामावली सार्वजनिक गर्न माग गर्दै नेपाल प्रेस युनियन अछामले जनाएको छ ।
नेपाल पत्रकार महासंघ अछामको सिफारिस अनुसारका जिल्लामा क्रियाशिल पत्रकारहरुको नविकरण तथा नयाँ सदस्यता कायम नभए सम्म जेष्ठ २६ गते हुने भनिएको नेपाल पत्रकार महासंघको निर्वाचनको कुनैपनि गतिबिधि नर्गन यसबाट उत्पन्न हुने सम्पुर्ण परिस्थितिको जिम्मेवारी नेपाल पत्रकार महासंघ केन्द्रिय समितिले लिनुपर्ने अध्यक्ष भण्डारीले बताए ।
