धनगढीः कैलालीमा लागुऔषधसहित दुई जना पक्राउ परेका छन्। जिल्लाको टीकापुर नगरपालिका–२ राजिपुरबाट ९० मिलिग्राम लागुऔषधसहित सोही ठाउँका ३२ वर्षीय सियाराम चौधरी र २१ वर्षीय सुरेश चौधरीलाई सोमवार प्रहरीले पक्राउ गरेको हो।
इलाका प्रहरी कार्यालय टिकापुरबाट खटिइएको प्रहरी टोलीले लागुऔषधसहित फेलापारी दुबै जनालाई पक्राउ गरेको हो। यस सम्बन्धमा थप अनुसन्धान भईरहेको प्रहरीले जनाएको छ।
