निराकरण सम्वाददाता अछाम:अछाममा बुधबार एकैदिन ९१ जना कोरोना संक्रमण मुक्त भएका छन् । दोस्रो लहरमा अछामका विभिन्न स्थानीय तहकमा हालसम्म १ सय २५ जना महिला र २ सय ६८ जना पुरुष गरी ३ सय ९३ जना कोरोना संक्रमणमुक्त भएका जिल्ला स्वास्थ्य कार्यालय अछामले जनाएको छ ।
अब जिल्लाभर ८ सय ६१ जना सक्रिय संक्रमित रहेका छन् । जसमध्ये ८ सय २१ जना होम आईसोलेसनमा छन् भने २१ जना अस्पतालको आईसोलेसनमा रहेका छन् ।आज आईसोलेसनबाट नीको भई ४ जना बिरामी डीस्चार्ज भएका छन् ।
दोस्रो लहरमा आज सम्म ३ सय ९३ जना निको भएको छन् भने ५ जना नयाँ बिरामी भर्ना भएका छन् । यसैबिच अछाममा आज थप १० जनामा कोरोना भाईरसको संक्रमण पुष्टी भएको छ ।
जिल्लाका विभिन्न ठाउँमा २३ जनाको स्वाव संकलन गरी भएको एन्टीजेन परीक्षणमा १० जनामा संक्रमण पुष्टी भएको हो ।
