निराकरण खबर अछाम:अछामको बान्नीगढी जयगढ गाउँपालिका १ गाज्रामा वरदादेवि मन्दिर प्राण प्रतिष्ठा महोत्सव एवं नवाह ज्ञान महायज्ञ सञ्चालन हुने भएको छ। चैत ४ गतेदेखि १२ गतेसम्म प्राण प्रतिष्ठा र नवाह महायज्ञ सञ्चालन हुने भएको हो।
वरदादेविको नवनिर्मित मन्दिरको चैत ४ गतेदेखि १२ गतेसम्म प्राण प्रतिष्ठा र नवाह महायज्ञ गरि नवनिर्मित मन्दिरमा देविलाई सार्ने वडा अध्यक्ष गजेन्द्र बहादुर खड्काले बताए । बि.स१८५० देखि अनवरत रूपमा देवीको पूजा आराधना सहित हरेक बर्ष कार्तिक शुक्ल पुर्णिमाको दिन डौठेगडा मेला लाग्दै आएको छ।
ऐतिहासिक धार्मिक पर्यटकीय क्षेत्रका रूपमा विकास गर्ने उद्देश्यका साथ मूर्ति प्राण प्रतिष्ठा र श्रीमद्देवी भागवत नवाह ज्ञान महायज्ञको आयोजना गरी अझ यसको प्रचार-प्रसार र धार्मिक गतिविधिलाई बढाएर समाजलाई अनुशासित, नैतिकवान् धर्मवान् बनाउने लक्ष्यका साथ नवाह ज्ञान महायज्ञ सञ्चालन गरिएको मुल आयोजक समिति अध्यक्ष नर बहादुर खड्काले बताए ।
देवीको मूल थानलाई मन्दिर बनाउन २०३७ सालमा शीलान्यास गरिएको वरदादेवि मन्दिर २०७६ सालम निर्माण सम्पन्न भएको हो। २०७६ सालमै मन्दिरको प्राण प्रतिष्ठा र नवाह महायज्ञ गर्ने तयारी गरिएपनि बिश्व फैलिएको कोरोना महामारीका कारण पछाडि सरेको हो।
अन्य बेला भन्दा पनि डौठेगडा मेलामा अछाम सहित डोटी, बाजुरा, कैलाली, कञ्चनपुर , दैलेख कालिकोटबाट वरदादेविको दर्शन गर्न हजारौं भक्तजन आउने गरेका छ। वरदादेविले मनोकांक्षा र चाहना अनुरूप वरदान दिने मनको आकांक्षा पूरा गरिदिने जनमानसमा बिश्वास रहदै आएको छ।
