निराकरण खबर अछाम:नेपाल पत्रकार महासंघ सुदूरपश्चिम प्रदेश सदस्य तथा रेडियो जनप्रिय एफएमका कार्यकारी निर्देशक तपेन्द्र कुँवरले जन्मदिनको अवसरमा हुने खर्च सामाजिक कार्यमा लगाएका छन। जन्मदिनको अवसरमा हुने फजुल खर्चलाई कटौति गरेर उनले १० हजार रुपैया सामाजिक कार्यमा लगाएका छन।
प्रदेश सदस्य कुँवरले वाथ रोगका कारण थला परेका साँफेबगर नगरपालिका वडा नं.२ जाल्पादेविका नविन आउजीलाई ५ हजार र वैद्यनाथ वेद विद्याश्रममा स्थापित वैदिक छात्रवृति अक्षय कोषमा ५ हजार सहयोग गरेका छन् । अरुलाई बदल्नु छ भने राम्रा, असल र सकारात्मक पक्षको अनुसरण आफैबाट सुरुवात गर्नु पर्नेमा प्रदेश सदस्य कुँवरको भनाई रहेको छ । जन्मदिन उत्सव हो मनाउनु पर्दछ, तर जन्मदिन मनाउने नाममा फजुल खर्च गर्नु गलत संस्कार रहेको उनको भनाई रहेको छ ।
वैद्यनाथ वेद विद्याश्रममा स्थापति वैदिक छात्रवृति अक्षय कोषमा भएको सहयोगले विद्यार्थीको पठनपाठनमा सहयोग पुग्ने वैद्यनाथ वेद विद्याश्रमका निमित्त प्रार्चाय केशवराज जोशीको भनाई रहेको छ । उनले सहयोग सानो ठूलो जे भएपनि अभियानको सुरुवात नै ठूलो रहेको बताए ।
आर्थिक अभावका कारण उपचार गर्न बताए । नविन आउजीले उपचारको लागि केही सहयोग पुग्ने बताए । आफ्नै घरमा नै आएर आर्थिक सहयोग गरेकोमा पत्रकार कुँवरप्रति उहाँले खुसी व्यक्त गर्नुभयो । प्रदेश सदस्य कुँवरले आगामि दिनमा पनि फजुल रुपमा हुने खर्चलाई सामाजिक क्षेत्रमा छुट्याउने प्रतिवद्धता समेत व्यक्त गर्नुभएको छ । अघिल्लो वर्षमा पनि कार्यकारी निर्देशक कुँवरले हेल्प अछामलाई सहयोग गर्नुभएको थियो ।
