काठमाडौंःप्रधानमन्त्री शेरबहादुर देउवाले ज्योतिषीसँग परामर्श गरेरै स्थानीय तह निर्वाचनको मिति तय गरेको खुलेको छ। देउवानिकट ज्योतिषी सुरेशचन्द्र रिजालले वैशाख ३० मा निर्वाचन गर्न प्रधानमन्त्रीलाई सुझाव दिएको खुलेको हो।
‘सुरुमा जेठ ४ को कुरा भएको थियो। त्यो दिन ज्येष्ठा नक्षत्र परेकाले राम्रो देखिएन’, रिजालले भने, ‘वैशाख ३० गते शुक्रबार हो र अमृत योग पनि परेको छ। अमृत योगमा गर्ने कार्य सफल हुने विश्वास गरिन्छ। त्यसैले वैशाख ३० को मिति प्रस्ताव गरेको हुँ।’ यसअघि निर्वाचन आयोगसँगको परामर्शमा प्रधानमन्त्री देउवा २०७९ जेठ ४ गते स्थानीय तहको निर्वाचन गर्न सहमत भएका थिए। ज्योतिषीसँगको परामर्शपछि देउवाले निर्वाचनको मिति अगाडि सारेका हुन्।
निर्वाचन आयोगले पनि सो प्रस्तावमा सहमति जनाएको छ।
