काठमाडौ: राष्ट्रिय परीक्षा बोर्ड, परीक्षा नियन्त्रण कार्यालयले कक्षा १२ को नतिजा सार्वजनिक गरेको छ । परीक्षा बोर्डको सोमबारको निर्णयअनुसार परीक्षाफल प्रकाशित गरिएको हो ।
बोर्डले कोरोनाका कारण निर्धारित वार्षिक तालिका भन्दा ढिला गरी मंसिरमा र संक्रमित परीक्षार्थीहरुको पुस महिनामा परीक्षा सञ्चालन गरेको थियो ।
बोर्डले कोरोना महामारीका कारण यस वर्ष कक्षा १२ मा ४० प्रतिशत पूर्णाङ्कको मात्र परीक्षा लिएको थियो।
विद्यालयहरूले प्राप्ताङ्क पठाउने क्रममा गल्ती गरेपछि नतिजामा ढिलाइ हुँदै आएको थियो। अहिले प्राविधिक सबै कुरा मिलाएर नतिजा प्रकाशनको भएको हो।
