काठमाडौं : आगामी चैतमा नेपाल, ओमान र अमेरिकाबीच हुने भनिएको आइसीसी विश्वकप लिग–२ को त्रिकोणात्मक क्रिकेट सिरिज स्थगित भएको छ।
कोरोनाको प्रभाव र लामो क्वारेन्टाइनको प्रावधानका कारण खेल स्थगित गरिएको नेपाल क्रिकेट संघका सचिव अशोकनाथ प्याकुरेलले जनाकारी दिए।
नेपालले आगामी चैत ६ देखि १५ गतेसम्म ओमानमा सो सिरिज खेल्ने तालिका थियो। सिरिजका लागि पहिलो चरणमा २१ खेलाडी बन्द प्रशिक्षणमा छन्।
त्यस्तै आइसीसीसीले आगामी अप्रिलमा हुने पपुवा न्यूगिनी,ओमान र स्कटल्यान्डको खेल पनि स्थगित गरेको छ। यसै गरी पपुवा न्यूगिनी, अमेरिका र नामिबियाको खेल पनि स्थगित भएको छ।
