निराकरण खबर अछाम:बान्नीगढी जयगढ गाउँपालीका वडा नं १ गाज्रामा ३ महिने सिलाइ कटाई सीप बिकास तालिमको समापन गरिएको छ।
गरिबी निवारणका लागि लघु उधम बिकास कार्यक्रम अन्तर्गत ३ महिने सिलाइ कटाई सीप बिकास तालिमको शनिबार एक कार्यक्रमका बिच समापन गरिएको छ।
शनिबार बान्नीगढी जयगढ गाउँपालीका वडा नं १ का अध्यक्ष हिरण्ड बहादुर खड्काको अध्यक्षतामा ३ महिने सिलाइ कटाई सीप बिकास तालिमको समापन गरिएको हो।
३ महिने सिलाइ कटाई सीप बिकास तालिमले जिबिकोपार्जन ,आत्म निर्भर र गरिबी न्यूनीकरण गर्न महत्त्वपूर्ण भुमिका खेल्ने बिश्वास आफुले गरेको वडा अध्यक्ष खड्काले बताए ।
२०७८ माघ १३ गते देखि सुरु भएको सिलाइ कटाई सीप बिकास तालिममा वडा नं १ गाज्राका ३० जना महिला तथा किशोरीको सहभागी रहेको थियो ।
घर बसेर सीप सिक्न पाउँदा आफुहरु खुसी भएको तालिमबाट सिप सिकेकी महिला मनिषा खड्काले बताईन। आफुहरुले सिकेको सिपलाई सहि सदूपयोग गर्ने तालिममा सहभागीहरुले बताईन।
