निराकरण खबर अछाम: राष्ट्रिय सभा सदस्य शेरबहादुर कुँवरले अछाममा बाढी पहिराेबाट प्रभावित क्षेत्रको अवस्थाका बारेमा गृहमन्त्री बालकृष्ण खाणलाई जानकारी गराएका छन् ।
केही दिन अघि आएको वर्षाका कारण बुढीगंगा नदी र कैलाश खोलाले गरेको कटानका बारेमा गृहमन्त्री खाणलाई भेटेर ध्यानाकर्षण गराएका हुन । उनलेबुढीगंगा नदीको कटानका कारण साँफेबगर बिमानस्थल उच्च जोखिम र बिमानस्थल नजिकको सयौं रोपनी जग्गा कटान गरेको बारेमा गृहमन्त्री खाणलाई ध्यानाकर्षण गराए।
उक्त क्षेत्र राहतका कार्यक्रम र बुढीगंगा नदीको कटान नियन्त्रणको लागि आवश्यक बजेटको व्यवस्थापन गर्न माग गरे। । यस्तै कैलाश खोलाबाट प्रभावित स्थानीय बासिन्दालाई राहतका कार्यक्रममा र रामरोशन जोड्ने सडक पुर्ननिर्माणमा बजेटको लागि माग गरेका छन् । जिल्लाका मुख्य सडक मंगलसेन बेल्खेत सडक, गरिटाड कमलबजार तुर्माखाद,ढकारी सडक,साँफे मेल्लेख,चौखुट्टे चौरपाटी, जयगढ रामारोशन सडकको मर्मत र स्तरउन्नतिका बारेमा पनि राष्ट्रिय सभा सदस्य कुँवरले गृहमन्त्री खाणको ध्यानाकर्षण गराए ।
गृहमन्त्री खाँणले सरकारले बाढी, पहिरामा जमिन र घर गुमाएकालाई पनि राहत दिने र पहिराले जमिन नै बगाएकालाई सरकारले नै जग्गा खोजी गरेर दिने जानकारी गराउनुभएको थियो । केही दिन अघिको लगातारको वर्षाका अछाममा बुढिगङ्गा नदि,कैलाश खोलाको कटानाका कारण ठूलो क्षेती भएको छ । वर्षाका कारण टेलीफोन सेवा, बिजुलि बत्ती अवरुद्ध हुदा स्थानीय बासिन्दा अन्धकार्यमा बस्न बाध्य भएका छन
