काठमाण्डौँः कक्षा १२ को नतिजा आज सार्वजनिक गर्ने तयारी भएको छ।
नतिजा सार्वजनिक गर्नको लागि राष्ट्रिय परीक्षा बोर्डले बिहान १० बजे बोर्ड बैठक बोलाइएको छ। बोर्डका अध्यक्ष चन्द्रमणि पौडेलले केही समस्या नदेखिए आज नतिजा सार्वजनिक गर्ने र त्यसका लागि १० बजे बोर्ड बैठक बोलाइएको जानकारी दिए।
बोर्डले कोरोना महामारीका कारण यस वर्ष कक्षा १२ मा ४० प्रतिशत पूर्णाङ्कको मात्र परीक्षा लिएको थियो।
विद्यालयहरूले प्राप्ताङ्क पठाउने क्रममा गल्ती गरेपछि नतिजामा ढिलाइ हुँदै आएको थियो। अहिले प्राविधिक सबै कुरा मिलाएर नतिजा प्रकाशनको तयारी भएको हो।
