निराकरण सम्वाददाता अछाम:अछाममा नदिमा डुबेर एक जनाको मृत्यु भएको छ।
बिहिबार दिउँसो कैलास खोला र बुढीगंगा नदिको दोभान चित्रेमा अस्तु सेलाउने क्रममा मंगलसेन नगरपालिका ३ लछिमनाका २८ बर्षिय मीन बहादुर ढोलीको मृत्यु भएको जिल्ला प्रहरी कार्यालय अछामले जनाएको छ।
ढोली मलामी गएको अवस्थामा अस्तु सेलाउने क्रममा एक्कासी चिप्लिन गई नदिमा डुबेका र उनलाई स्थानियहरुले डुबेकै स्थानबाट मृत अवस्थामा भेटाएका प्रहरीले जनाएको छ।
