काठमाण्डौ,नेकपा एमालेले १६६ दिनदेखि संसद अवरुद्ध गरिरहेका बेला सोही पार्टीका नेता भीम रावलले भने आइतबार संसदीय प्रक्रियामा सहभागिता जनाए । पार्टीले संसद अवरुद्ध पारिराखेका बेला रावलले सभामुखसँगै समय मागेर संसदमा बोलेपछि एमालेभित्र हंगामा भएको छ ।
एमालेका प्रमुख सचेतक विशाल भट्टराई लगायतले भीम रावल संसदमा बोलेकोप्रति असन्तुष्टि जनाएका छन् । पार्टीले संसद अवरुद्ध पारिराखेका बेला रावलले त्यसरी बोल्नु पार्टीको नीति विपरीत रहेको भन्दै भट्टराई लगायतका सांसदले सभामुखलाई भेटेर असन्तुष्टि जनाएका हुन् ।
उता एमाले नेता भीम रावलले भने सभामुखसँग समय मागेर बोलेको र फेरि पनि सभामुखले आफूलाई बोल्न दिनुपर्ने प्रतित्रिया जनाएका छन् । बरु एमालेजस्तो जिम्मेवार दलले एमसीसीमा मोन बस्न नमिल्ने रावलको भनाइ छ । एमसीसीमा मौन बस्नु भनेको एमसीसीलाई समर्थन जनाउनु हो भन्ने रावलको आरोप छ ।रातोपाटीबाट सम्पादित अंश
