काठमाडौँ :सरकारले आगामी आर्थिक वर्षमा नयाँ पर्यटकीय गन्तव्यको खोजी गर्न २ अर्ब १३ करोड रुपैयाँ विनियोजन भएको छ । सरकारले पर्यटकीय गन्तव्य विकास गर्ने, सांस्कृतिक र महत्त्वपूर्ण सम्पदाको संरक्षणमा समेत यसको खर्च हुने छ ।
यस्तै, सबै प्रदेशमा एक/एक वटा हिल स्टेसन विकासको योजना समेत बजेटमा अटेको छ । पर्यटन प्रवर्द्धन गर्न हरियाली पार्कको निर्माण गर्ने र संरक्षित क्षेत्रभित्र ६२१ किलोमिटर करिडोर निर्माण गर्ने योजना समेत सरकारको छ ।
यस्तै, खप्तड लगायतका क्षेत्रमा केबलकार सञ्चालनका लागि निजी क्षेत्रलाई प्रोत्साहन गर्ने समेत सरकारको घोषणा छ ।
