काठमाडौं:नेकपा एकीकृत समाजवादीका सम्मानित नेता झलनाथ खनालले संविधान कार्यान्वयनमा सबै दलहरुलाई एकै ठाउँमा उभिन आह्वान गरेका छन् ।
संविधान निर्माणमा सुवास नेम्वाङको योगदानबारे चर्चा गर्दै उनले राष्ट्रियताको विषयमा सबै एकजुट हुनुपर्ने बताए ।
उनले भने, ‘हामीले संविधान त बनायौं । तर, त्योअनुसारको नीति, आचरण गर्न सकेका छैनौं । अहिले देशमा संकट मडारिएको छ । राजनीति हेर्नुस् कता गइरहेका छौं, थाहा छैन । यो देशका नेताहरुले पनि भन्न सक्दैनन् । त्यस्तो अवस्थामा छौं । जनताले पनि अविश्वास गर्न थालिसके । संघीय ससदमा हेर्नुस्, कुनै पार्टीले बहुमत ल्याउन सकेन । यही जनता भोटर हुन् । हिजो दुई तिहाइ बहुमत प्राप्त भएको थियो नि ! दुई वटा समूहमात्रै मिलेर लड्दा अहिले जमै एकै ठाउँमा मिलेर लडे पनि बहुमत आउँछ कि आउँदैन भन्ने भइसक्यो ।’
उनले देशको राजनीतिसँगै सामाजिक, आर्थिक पाटो पनि संकटमा रहेको बताए ।
नेता खनालले संविधानसभाको अध्यक्षको नाताले संविधान निर्माणमा नेम्वाङको भूमिकाबारे पनि चर्चा गरे ।
