काठमाडौं : सिंगटी हाइड्रो इनर्र्जी लिमिटेडको आइपिओ बिक्रि खुला भएको छ । कम्पनीले प्रतिकित्ता सय रुपैयाँ दरको कुल २९ लाख कित्ता आइपीओ निष्कासन गरेको हो । यसमा सर्वसाधारणले भने २६ लाख ४० हजार कित्ताका लागि मात्र आवेदन दिन पाउँनेछन् ।
किनभने ५८ हजार कित्ता कर्मचारी र १ लाख ४५ हजार कित्ता म्युचुअल फन्डहरुलाई छुट्याइएको छ । आइपिओमा चैत १० गतेसम्म आवेदन दिन सकिनेछ । यदि तोकिएको समयमा आइपीओ बिक्री नभएमा चैत २० गतेसम्म बिक्री खुला रहनेछ ।
सिंगटी हाइड्रोको आइपीओमा न्यूनतम १० कित्तादेखि अधिकतम २ लाख कित्ताका लागि आवेदन दिन सकिने बिक्रि प्रबन्धक प्रबन्धक मेगा क्यापिटलले जनाएको छ ।
क्रेडिट रेटिङ एजेन्सी केयर रेटिङ्स नेपालले सिंगटीलाई ‘केयर एनपी डबल बी माइनस’ इस्यूअर रेटिङ प्रदान गरेको छ । यसले मध्यम जोखिममा रहेको आधार जनाउँछ ।
सिंगटीले २५ मेगावाट क्षमताको ‘सिंगटी खोला जलविद्युत आयोजना’ निर्माण गरिरहेको छ । कम्पनीको जलविद्युत उत्पादन केन्द्र दोलखा जिल्लाको कालिन्चोक गाउँपालिका वडा नं. ३ स्थित सिंगटी बजार नजिक रहेको छ ।
यसको कुल लागत ५ अर्ब ५० करोड ४६ लाख ६८ हजार रुपैयाँ अनुमान गरिएको छ । यसले साधारण लगानी फिर्ता हुने अवधि ८.१६ वर्ष तोकेको छ । वित्तीय प्रक्षेपण अनुसार चालु आर्थिक वर्षको अन्त्यसम्म सिंगटीको खुद नाफा ११ करोड ६३ लाख ८० हजार रुपैयाँ पुग्ने देखिन्छ । आर्थिक वर्ष २०७८–७९ मा २४ करोड ९२ लाख रुपैयाँ र आव २०७९–८० मा ४१ करोड १८ लाख १८ हजार रुपैयाँ खुद नाफा गर्ने कम्पनीको प्रक्षेपण छ ।
यता चालु आर्थिक वर्षमा प्रतिसेयर आम्दानी ८ रुपैयाँ ३ पैसा र प्रतिसेयर नेटवर्थ १ सय ८ रुपैयाँ ३ पैसा पुग्नेछ । आर्थिक वर्ष २०७८–७९ सम्ममा प्रतिसेयर आम्दानी ९ रुपैयाँ १६ पैसा पुग्नेछ । साथै, प्रतिसेयर नेटवर्थ पनि १ सय १७ रुपैयाँ १९ पैसा हुनेछ । सर्वसाधारणलाई जारी हुन लागेको आइपीओ सबै बिक्री भएमा सिंगटीको चुक्ता पुँजी जारी पुँजीको बराबर अर्थात १ अर्ब ४५ करोड रुपैयाँ पुग्नेछ ।
कम्पनीमा संस्थापक सेयरधनीको हिस्सा ७० प्रतिशत, स्थानीयको १० प्रतिशत र सर्वसाधारणको २० प्रतिशत कायम हुनेछ । सिंगटीले आर्थिक वर्ष २०७९–८० सम्म पुँजी बढाउने कुनै योजना सार्वजनिक गरेको छैन
