निराकरण खबर अछाम:धनगढीमा सम्पन्न द्रोस्रो एएमसी कप प्रदेश अन्तर क्याम्पस भलिबल प्रतियोगिताको उपाधि बिजेता त्रिपुरा बहुमुखी क्याम्पसको टिमलाई क्याम्पस परिवार र स्वतन्त्र बिधार्थी युनियन त्रिपुरा बहुमुखी क्याम्पसले सम्मान गरेको छ।
सोमबार बिहान बिजेता टिमका खेलाडी,ब्यावस्थापकलाई नगद २१ हजार सहित क्याम्पस परिवार र स्वतन्त्र बिधार्थी युनियन त्रिपुरा बहुमुखी क्याम्पसले सम्मान गरेको स्ववियु सभापति कमल कुँवरले बताए ।
खेलाडीहरुलाई सम्मान र उनिहरुलाई खेलप्रति लगाव राखिराख्न नगद सहित सम्मान गरिएको सभापति कुँवरले बताए ।आगामी दिनमा समेत खेल र खेलाडीका लागि स्वबियु लागिरहने सभापति कुँवरले बताए ।
भाद्र ३१ गते भएको फाईनल खेलमा त्रिबेणी आदर्श बहुमुखी क्याम्पस बझाङलाई सोझो (३-०) सेटमा पराजित गर्दै स्वतन्त्र बिधार्थी युनियन ऐश्वर्य बहुमुखी क्याम्पसले आयोजना गरेको प्रदेश स्तरीय अन्तर क्याम्पस खुला भलिबल प्रतियोगिताको उपाधि त्रिपुरा बहुमुखी क्याम्पस श्रीकोटले जितेको थियोे ।
