नमराज भण्डारी अछाम: बिपीको ब्याक्तित्व र चिन्तन बिषयक बिचार गोष्ठी मंगलसैनमा सम्पन्न भएको छ । विचार गोष्ठीको नेपाली कांग्रेस जिल्ला कार्य समिति अछामले आयोजना गरेको हो ।
विचार गोष्ठीमा आफ्नो धारणा राख्दै नेपाली कांग्रेसका प्रदेश महामन्त्री प्रदेश सांसद विचार गोष्ठीका प्रमुख अतिथि मेघराज खड्काले विपि विचार र चिन्तन समाज विकास र रुपान्तरणको मुलमन्त्र रहेको बताए ।
सामाजिक रुपान्तरण ,मानविकी विकास आर्थिक र राजनैतिक विकासर परिवर्तनको आधार सिला विपिविचार र चिन्तन रहेको समेत उल्लेख गरे। विचार गोष्ठीमा एक अर्को प्रसंगमा बोलदै महामन्त्री खड्काले अछामको बिकासका लागि प्रदेश सरकारमा आफनो निरन्तर प्रयास जारी रहेको बताए ।
कार्यक्रमका विशिष्ट अतिथि पुर्व पाटी सभापति भरतकुमार स्वारले जननाएक विपि कोईरालाको विचार र जिन्तन भनेको सामाजिक विशिष्टकरण र विकासको सिद्धान्त भएको बताए । पाटिका कार्यवाहाक सभापति कार्यक्रमका अध्यक्ष नयाँराम बजाईले विपि विचार युगान्तकारी परिवर्तनको परिलक्ष्य भएको बताए ।
जिल्ला कार्य समितिका सदस्य जनकराज भण्डारीको स्वागत मन्तब्य बाट संचान भएको कार्यक्रममा महासमिति सदस्य ,जिल्ला कार्यसमितिका पदाधिकारी ,महाधिवेशन प्रतिनिधि , क्षेत्रीय कार्य समितिका पदाधिकारी सदस्य ,निर्वाचन क्षेत्रीय प्रदेश कार्यसमितिका पदाधिकारी सदस्य , नगर तथा गाउँ कार्यसमितिका पदाधिकारी सदस्य , वडा कार्यसमितिका पदाधिकारी सदस्य ,भातृ तथा शुभेच्छुक संघ संस्थाका पदाधिकारी सदस्य , संचारकर्मि लगायतको सहभागिता रहेको थियो ।
